மது, பிரைட் ரைஸ் வாங்கிக்கொடுத்து ரவுடியை தீர்த்துக்கட்டினர்..!

சென்னை, சோழவரம் பகுதியில் மது, பிரைட் ரைஸ் வாங்கிக்கொடுத்து ரவுடியை வெட்டிக்கொன்று, பழி தீர்த்த கும்பலை தேடினர். அப்போது, ஆட்டோவில் தப்பி சென்ற இரண்டு பேர், கத்திகளுடன் சிக்கினர்.

சென்னை, சோழவரம்,  சிவந்தி ஆதித்தன் நகர், சுப்பிரமணி பாரதி தெருவை சேர்ந்தவர் கண்ணன். இவரது மகன் மணிவண்ணன்(எ) மதிவாணன்(26). இவர், மீது கொலை உள்ளிட்ட 15க்கும் மேற்பட்ட வழக்குகள் உள்ளன.

இந்த நிலையில், சோழவரம் பகுதியில், நேற்று நள்ளிரவில், மணிவண்ணணை, பஜனை கோயில் தெருவை சேர்ந்த ராம்கி (25) மது அருந்த அழைத்தார்.

மணிவண்ணன், அவரின் நண்பர்கள்  அட்டந்தங்கலை சேர்ந்த சரத்குமார்(19). நாகத்தம்மன் நகரை சேர்ந்த தனுஷ்(18) ஆகியோரை அழைத்தார்.

பின்னர், அனைவரும் விடிய விடிய மது அருந்தினார். பின்னர், ராம்கி, மணிவண்ணனுக்கு பிரைட் ரைஸ் ஆர்டர் செய்து கொடுத்தார்.

அப்போது, ராம்கி, பிரபாகரன் என்பவருக்கு  மொபைல் போன் மூலம், மணிவண்ணன் போதையாகி விட்டார், வந்தால் முடித்து விடலாம் என  தகவல் தந்தார்.

அங்கு பிரபாகரன்(23), சூய்ரா(எ) சொட்டை சூர்யா(22) சீனு(23) ஆகியோர் அங்கு வந்தனர். தீடீரென மணிவண்ணனை சரமாரியாக வெட்டிக்கொன்றனர்.

தடுக்க வந்த சரத்குமார், தனுஷ் ஆகியோருக்கும் அரிவாள் வெட்டு விழுந்தது.

பின்னர், ராம்கி, பிரபாகரன், சூர்யா, சீனு ஆகியோர் அங்கிருந்து தப்பினர். சோழவரம் போலீசார் மணிவண்ணன் உடலை கைப்பற்றி விசாரணை நடத்தினர்.

அதில், கஞ்சா மணியை கொன்றதால், அவரின் சகதோரர் பிரபாகரன் பழி தீர்த்தது தெரியவந்தது.

இந்த வழக்கில், ராம்கி, மணிவண்ணன் கூடவே இருந்து, அவர் போதையானதும், பிரபாகரனுக்கு தகவல் கொடுத்ததும், கொலையில் மூளையாக செயல்பட்டதும் கண்டுபிடிக்கப்பட்டது.

இந்த நில்லையில், ஆவடி முத்தாபுதுப்பேட்டையில், ஆட்டோவில் தப்பிய ராம்கி, சூர்ய ஆகியோரை கைது செய்தனர்.

ஆட்டோவில் ரத்தக்கறை படிந்த நான்கு கத்திகளை பறிமுதல் செய்தனர். பிரபாகரன், சீனு ஆகியோரை தேடி வருகின்றனர். இந்த சம்பவம் சோழவரம் பகுதியில் பரபரப்பை ஏற்படுத்தியது.