இங்கிலாந்து எதிரான 3-வதுடெஸ்டில் முகமது ஷமி ?

முகமது ஷமி

இந்திய அணியின் வேகப்பந்துவீச்சாளர் முகமது ஷமி காயத்திலிருந்து குணமடைந்து பயிற்சியைத் தொடங்கியுள்ளதால், இங்கிலாந்துக்கு எதிரான 3-வது டெஸ்ட் போட்டியில் இடம் பெறக்கூடும் எனத் தகவல்கள் தெரிவிக்கின்றன.

ஆஸ்திேரலயிாவில் அடிலெய்ட் நகரில் கடந்த டிசம்பர் 19-ம் தேதி நடந்த டெஸ்ட் போட்டியில் கம்மின்ஸ் வீசிய பந்து ஷமியின் மணிக்கட்டில் பட்டது. இதில் ஷமியின் மணிக்கட்டில் லேசான எலும்பு முறிவு ஏற்பட்டது. இதைத்தொடர்ந்து டெஸ்ட் தொடலிருந்து முகமது ஷமி நீக்கப்பட்டார்.

இங்கிலாந்துக்கு எதிரான டெஸ்ட் தொடரிலும், முதல் 2 போட்டிகளுக்கான அணி வீரர்கள் பட்டியலிலும் முகமது ஷமி பெயர் இடம் பெறவில்லை.

இந்நிலையில் காயத்திலிருந்து குணமடைந்த முகமது ஷமி, தற்போது பெங்களூருவில் உள்ள தேசிய கிரிக்கெட் அகாடெமியில் இணைந்து பயிற்சி பெற்று வருகிறார்.

தேசிய கிரிக்கெட் அகாடெமி வட்டாரங்கள் கூறுகையில் “ முகமது ஷமிக்கு ஏற்பட்ட காயம் குணமடைந்து நலமுடன் உள்ளார். அடுத்த சில நாட்களுக்கு மெதுவாகப் பந்துவீசி பயிற்சி எடுப்பார். நாள்தோறும் 60 சதவீத முயற்சியுடன் 3 ஓவர்கள் வரை பந்துவீச அறிவுறுத்தியுள்ளோம். படிப்படியாக இந்த பந்துவீச்சுப் பயிற்சி அதிகரிக்கப்படும்.

அடுத்தவாரத்திலிருந்து முழுமையாக பயிற்சி ஷமிக்கு தொடங்கும். இங்கிலாந்துக்கு எதிரான கடைசி இரு டெஸ்ட் போட்டிகளில் ஷமியின் பெயர் பரிசீலனைக்கு அனுப்பி வைக்கப்படும். அதில் தேர்வு செய்யப்படவும் வாய்ப்புள்ளது.ஷமியின் பந்துவீச்சில் எந்தவிதமானக் குறைபாடும் இல்லை. விரைவில் இயல்பான வேகத்தில் பந்துவீசும் திறனை ஷமி பெற்றுவிடுவார் ” எனத் தெரிவித்தனர்.